Novotni: Grčka u stečaju do kraja juna
22.06.2015. / 7:00
BEČ, Guverner Nacionalne banke Austrije Evald Novotni ocjenjuje da će Grčka tehnički biti u stečaju krajem juna i upozorava na ekonomske i političke posljedice istupanja te zemlje iz evrozone.
„Grčka ima finansijske obaveze koje mora ispuniti do kraja juna, a ako to ne učini biće tehnički u stečaju“, kazao je on u intervjuu bečkom dnevniku “Kurir”.
Novotni je ukazao da građani Grčke treba da strahuju jer je u toj zemlji započeo dramatičan razvoj situacije. Ekonomsko stanje je sve teže, a stanovništvo strijepi od ograničenog toka kapitala i privremenog zatvaranja banaka, zbog čega je uslijedilo masivno povlačenje sredstava iz banaka.
Istupanje iz evrozone, prema njegovim riječima imalo bi masivne posljedice po zemlju.
„Banke i snabdjevanje novcem bi bili pred krahom. Postoji opasnost nekontrolisane ekonomske eskalacije“, upozorio je Novotni dodajući da bi socijalni nemiri bili posljedica.
Kada je riječ o posljedicama po evrozonu, Novotni je istakao da se situacija značajno promijenila, i da danas, za razliku od prije dvije godine, ne postoji akutna opasnost da krah Grčke ima posljedice na druge južne zemlje.
„Kamate za državne obveznice Italije, Španije i Portugala gotovo da nisu povećane, i to zahvaljujući monetarnoj politici Evropske centralne banke. Tržišta smatraju Grčku specijalnim slučajem. Istupanje Grčke iz evrozone bilo bi danas vezano za manje troškove nego prije dvije godine“, uvjeren je Novotni.
Međutim, haos u Grčkoj bi značio sveukupno gledano opasnu situaciju po Evropu.
„To proizilazi iz geopolitičkog položaja Grčke“, ukazao je Novotni.
Austrija bi, u slučaju istupanja Grčke iz evrozone, bila pogođena sa pet do šest milijardi evra, od kojih 1,6 milijardi preko bilateralnih kredita i 3,7 milijardi preko mjera za spasavanje.
„Za EU i Evropsku centralnu banku su ove brojke daleko veće“, ukazuje Novotni podsjećajući da Grčka ima dug u visini od 320 milijardi evra. Tanjug
Tagovi: grckamedjunarodni monetarni fondstecaj
Povezane vijesti
Komentari
Molimo Vas da pročitate sledeća pravila pre komentarisanja:
Komentari koji sadrže uvrede, nepristojan govor, prijetnje, rasističke ili šovinističke poruke neće biti objavljeni. Nije dozvoljeno lažno predstavljanje, ostavljanje lažnih podataka u poljima za slanje komentara. Molimo Vas da se u pisanju komentara pridržavate pravopisnih pravila. Komentare pisane isključivo velikim slovima nećemo objavljivati. Zadržavamo pravo izbora i skraćivanja komentara koji će biti objavljeni. Mišljenja sadržana u komentarima ne predstavljaju stavove poslovnog portala CAPITAL.ba. Komentare koji se odnose na uređivačku politiku možete poslati na adresu [email protected]
